,,ქართული ოცნების“ წარმომადგენლები რუსეთის მოქალაქეებისთვის შეზღუდვის დაწესების მოთხოვნას ქსენოფობიასა და გოიმობას უწოდებენ.

,,ქსენოფობია არის გოიმობა, იმიტომ, რომ პირდაპირ უხეშად ეწინააღმდეგება ადამიანის უფლებებს, საქართველოს კონსტიტუციას და გარდა ამისა, ეთიკურ სტანდარტებს. თუ ვინმეს აბსტრაქტულად რუსეთის მოქალაქის მიმართ და რუსი ეროვნების მიმართა აქვს ნეგატიური განწყობა, ეს არის ზუსტად ქსენოფობიის და შოვინიზმის კლასიკური გაგება. რაც ხდებოდა 40-იანი წლების გერმანიაში, ებრაებეს რომ ვერ იტანდნენ, ებრაელი თუ იყო უკვე არ უყვარდათ, ეზიზღებოდათ. ზუსტად იგივეა. როდესაც 142 მილიონ ადამიანს აცხადებ ცუდად, ეს არის გოიმობა“ _ აცხადებს ირაკლი კობახიძე.

,,როდესაც გამოყოფთ იმიტომ, რომ არის რუსი ან სხვა ნებისმიერი ეროვნების, თუნდაც იმ ქვეყნის წარმომადგენელი, რომელ ქვეყანასაც ოკუპირებული აქვს ტერიტორიები, მაგრამ მხოლოდ ეროვნული ნიშნით, უკაცრავად გამოთქმისთვის და ვიღაცას მიახტები - ,,შენ რომ რუსი ხარ ასე და ისე უნდა გიქნა", ეს არის ქსენოფობიური დამოკიდებულება, მიდგომა და სიბნელე, უკაცრავად და გოიმობა საშინელი ქსენოფობიასთან ერთად“ _ თქვა მამუკა მდინარაძემ.