მიხეილ სააკაშვილი ცდილობს რაიმე გზით დააღწიოს თავი მართლმსაჯულებას. ამის შესახებ ფრაქცია ,,ქართული ოცნების“ თავმჯდომარე მამუკა მდინარაძემ განაცხადა.
მისი თქმით, თუ ყოფილ პრეზიდენტს ჯანმრთელობასთან დაკავშირებული პრობლემები შეექმნება, მას კვალიფიციური ექიმები მოემსახურებიან.
,,მიხეილ სააკაშვილი ცდილობს რაიმე გზით დააღწიოს თავი მართლმსაჯულებას. თუ მართლა რაიმე პრობლემები ექნება მას სერიოზული თუ ნაკლებად სერიოზული ჯანმრთელობასთან დაკავშირებით, დარწმუნებული ვარ ძალიან კვალიფიციური ექიმები მოემსახურებიან და მის დროს ციხეში რასაც უკეთებდნენ ადამიანებს, არ გააკეთებენ კი არა, არ მოაფიქრდება არავის. მიხეილ სააკაშვილის ყველა უფლება იქნება დაცული, რათა კონტრასტი იყოს აშკარა - ყველაზე საშინელი სისტემის შემქმნელის უფლებაც კი ბოლომდე ზედმიწევნით იყოს დაცული“ _ განაცხადა მდინარაძემ.
