თბილისის მერიამ ვაშლიჯვრისა და ნუცუბიძის დამაკავშირებელ გზასთან, ფერდობზე წარმოქმნილ ნაპრალთან დაკავშირებით ბრიფინგი გამართა.
თბილისის მერიის განცხადებით, ინფორმაცია იმის შესახებ, რომ ტერიტორიაზე მოსახლეობის ევაკუაცია იგეგმება, სიმართლეს არ შეესაბამება.
"ვრცელდება ინფორმაცია, თითქოს მაჭავარიანის ქუჩის მიმდებარე ტერიტორიიდან, მეწყრული პროცესის გააქტიურების გამო, იგეგმება მოსახლეობის ევაკუაცია, რაც არის სიცრუე და ემსახურება საზოგადოებაში პანიკის დათესვას" - ნათქვამია განცხადებაში.
არსებული ცნობით, ორშაბათს გერმანელ ექსპერტებს ელოდებიან, რომლებმაც ადგილზე არსებული საფრთხე უნდა შეაფასონ. ქალაქის მერიის ცნობით, მეწყერული პროცესი არ უკავშირდება გზის გაყვანის სამუშაოებს.
ფოტო: თბილისის მერიის ფეისბუქ გვერდი
