პარასკევს ტაივანში მატარებლისა და ავტოსატრანსპორტო საშუალების შეჯახების შედეგად 50 ადამიანზე მეტი გარდაიცვალა, მათგან ზოგიერთი ბავშვი. ეს არის ყველაზე საშინელი სარკინიგზო კატასტროფა, რაც ბოლო ათწლეულების მანძილზე კუნძულზე მომხდარა.

არსებული ინფორმაციით მატარებელმა ვერ შეძლო გაჩერება მაშინ როცა ავტომანქანა ჯებირიდან ლიანდაგზე გადმოვარდა. გამოიკეთა მძღოლის ბრალეულობა იმის გამო, რომ მან საკმარისი სიძლიერით არ დააჭირა მუხრუჭს, რის შედეგადაც ავტომანქანა 20 მეტრზე ინერციით გასრიალდა.

რვა ვაგონიან მატარებელში 480 ადამიანი იჯდა. რკინიგზის სააგენტოს ცნობით მათგან 146 მგზავრი გადაყვანილია საავადმყოფოში, ხოლო 50 დადასტურებული გარდაცვლილია.  მსხვერპლთა რაოდენობა შესაძლოა კიდევ გაიზარდოს.

თვითმხილველის განცხადებით, ზოგი მგზავრი დახმარების სათხოვნელად ყვიროდა, ზოგი მათგანი უგონოდ ეგდო, ხოლო ზოგი დასაჯდომ ადგილებში იყო გაჭედილი.

ტაივანის პრეზიდენტის განცხადებით, გამოძიება აუცილებლად დაადგენს, თუ რა გახდა ასეთი დიდი კატასტროფის მიზეზი. იგი იმედს გამოთქვამს, რომ გარდაცვლილები მშვიდად განისვენებენ, ხოლო დაჭრილები გამოჯანმრთელდებიან.

მედიის ცნობით, ბოლოს სარკინიგზო შემთხვევა კუნძულზე 2018 წელს მოხდა, რომლის დროსაც 18 ადამიანი გარდაიცვალა, მანამდე მანამდე 1991 წლის კატასტროფის დროს 30 ადამიანი გარდაიცვალა, ხოლო ყველაზე მასშტაბური სარკინიგზო კატასტროფა 1948 წელს მოხდა, რომელმაც 64 ადამიანის სიცოცხლე იმსხვერპლა.