საპარლამენტო უმრავლესობის წევრი, ალუდა ღუდუშაური, ჟურნალისტებთან მიხეილ სააკაშვილის განცხადებას ეხმაურება. მისი თქმით, სააკაშვილი ბუნებით მოძალადე და ავანტიურისტია და ეს კარგად ჩანს მის ბოლო განცხადებაშიც.
“მიხეილ სააკაშვილის რეალური სახე ამ წერილითაც ნათლად ჩანს. ეს ადამიანები არ იცვლებიან, არ იცვლება მიხეილ სააკაშვილიც, ის ბუნებით არის მოძალადე და ავანტიურისტი, მისი აქ ჩამოსვლის მიზანი სწორედ არეულობისა და დესტაბილიზაციის მოწყობა იყო. ამავე წერილში ხაზგასმით აღნიშნავს, რომ არავისთან ბოდიში არ აქვს მოსახდელი და თუ ვინმემ ბოდიში უნდა მოიხადოს, ეს არის თურმე ხელისუფლება და ამ განცხადების შემდეგ საუბრობენ შერიგებაზე, ეს არის ფარსი. მთელი ამ ხნის განმავლობაში მას და "ნაციონალურ მოძრაობას" მორგებული ჰქონდათ ნიღაბი, რომლის ტარებაც გაუჭირდა. მიჭირს იმ რეალური სიტყვის მოძებნა, რომელიც შეესატყვისება სააკაშვილის "გაფარჩაკებულ" თუ ბოდიში და "გაბანძებულ" მდგომარეობას. ეს არის აგონიაში მყოფი ადამიანის განცხადება, სრულიად სასოწარკვეთილია და უჭირს მიიღოს სასჯელი, რომელიც მისჯილი აქვს სამართლიანად და საზოგადოებისგან ითხოვს აქციების მოწყობას, რომ როგორმე მისი თქმით, ტყვეობიდან დაიხსნან. ეს არის გაუგონარი აგრესიის მქონე და მოძალადე ადამიანის განცხადება" - განაცხადა ალუდა ღუდუშაურმა.
მთავარი ფოტო: imedinews.ge
