„ევროპული საქართველოს“ თავმჯდომარე, გიგა ბოკერია, ჟურნალისტებთან მიხეილ სააკაშვილთან დაკავშირებით პრემიერის განცხადებას გამოეხმაურა, რომლის მიხედვითაც კანონით ადამიანს თვითმკვლელობის უფლება აქვს.
ბოკერია მიიჩნევს, რომ პრემიერისგან მსგავსი დამოკიდებულება იმის დემონსტრირებაა, რომ „ეს ხელისუფლება საფრთხეა არა მხოლოდ სააკაშვილისთვის, არამედ ყველასთვის.
„ის, რაც დღეს ყოფილ პრეზიდენტთან დაკავშირებით ხდება, არ არის მხოლოდ ამ პოლიტიკური ძალის მომხრეებისთვის პრობლემა, არამედ მთელი საქართველოსთვის იმიტომ, რომ ეს პოლიტიკური ჭრილობა, პატიმრობა, ქვეყანას ძალიან დიდი ხანი წაყვება, არაფერს ვამბობ ჯანმრთელობის საფრთხეზე.
დამოკიდებულება, როდესაც პრემიერ-მინისტრი ასე საუბრობს საქართველოს ნებისმიერ მოქალაქეზე და ამ შემთხვევაში პოლიტიკურ ოპონენტზე, იმის დემონსტრირებაა, რომ ეს ხელისუფლება საფრთხეა არა მხოლოდ სააკაშვილისთვის და არა მხოლოდ მისი პოლიტიკური პარტიისთვის ან ნებისმიერი სხვა ოპოზიციური პარტიისთვის, არამედ ყველასთვის“ - განაცხადა ბოკერიამ.
მთავარი ფოტო: primetime.ge
