საპარლამენტო უმრავლესობის წევრი, გურამ მაჭარაშვილი, ჟურნალისტებთან მეუფე ნიკოლოზის განცხადებას გამოეხმაურა, რომელმაც მიხეილ სააკაშვილი გუშინ ციხეში მოინახულა. მაჭარაშვილი იმედოვნებს, რომ ყველა პატიმრის უფლებებს თანაბრად მიუდგება ყველა.
„ჩვენ ვართ სეკულარული სახელმწიფო, სახელმწიფო და ეკლესია არის გამიჯნული ფუნქციებით. ნებისმიერი მეუფის მიმართ დიდი პატივისცემის კიდევ ერთხელ დამტკიცებით, როგორც მინიმუმ, საჭიროა, იმ ადამიანებს შევეკითხოთ და ასეთი ადამიანები არიან ათასობით, რომლებსაც, ზოგს სიცოცხლე წაერთვა, ზოგს ჯანმრთელობა, ზოგს ღირსება, ზოგს ქონება და მინიმუმ ამ რამდენიმე ათას ადამიანს უნდა ჰკითხო და ამის შემდეგ გააკეთო განცხადება შერიგებასთან დაკავშირებით. ამასთან, უნდა ვთქვა, პატიმარი უფლის წინაშე ყველა პატიმარია, არა მხოლოდ მიხეილ სააკაშვილი და საჭიროა ყველა პატიმრის მათ შორის, სააკაშვილის მონახულება და იმედი მაქვს თანაბრად მიუდგება ყველა, ყველა პატიმრის მონახულებასაც და უფლებასაც“ - განაცხადა მაჭარაშვილმა.
მთავარი ფოტო: rferl.org
