უარს არ ვაპირებ რომ ვინმეს ვუთხრა, მაგრამ ნამდვილად გაკონტროლდება ზომიერება მნახველების. ასე უპასუხა პარლამენტის თავმჯდომარემ, კახა კუჭავამ ოპოზიციონერ დეპუტატებს, რომლებიც ახხადებენ, რომ მათ მიხეილ სააკაშვილის მონახულების საშუალება არ ეძლევათ და პარლამენტის თავმჯდომარისგან სპეციალურ საშვს ელოდებიან. კუჭავას განცხადებით, ექსპრეზიდენტთან შესვლა შეზღუდული არ არის, თუმცა რაოდენობის დაშვება პენიტენციური სისტემის წესებით გათვალისწინებით მოხდება.

,,10-15 თუ უფრო მეტი ადამიანის შესვლა, ფიზიკურად შეუძლებელია, გამომდინარე იმ უსაფრთხოების ზომებიდან და პენიტენციალური სისტემის წესებიდან. უარს არ ვაპირებ რომ ვინმეს ვუთხრა, მაგრამ ნამდვილად გაკონტროლდება ზომიერება დღეში მნახველების და მსურველების, ვისაც უნდა რომ შევიდეს. ფაქტია, რომ არ არის არანაირი შეზღუდვა. ვხედავთ კიდეც, რომ ადვოკატი ნებისმიერ დროს შედის, თუ არ ვცდები, ოჯახის წევრებიც. ამიტომ, ზედმეტია იმაზე საუბარი, რომ ვინმეს რამე ეზღუდება. ნუ აქვს ნურავის მოლოდინი, რომ დღეში შეძლებს ყველა, ვისაც სურვილი აქვს, შესვლას. ეს გამორიცხულია. აქ საუბარი არის პენიტენციალურ დაწესებულებაზე და არა რაღაც სასტუმროზე“ _ განაცხადა კახა კუჭავამ.