ჯუანშერ ბურჭულაძემ ჟურნალისტებს არჩევნებთან დაკავშირებულ კითხვებზე უპასუხა. თავდაცვის მინისტრი აცხადებს, რომ 19 აპრილის შეთანხმება ოპოზიციის დამსახურებით ვერ შედგა.

„სამართლებრივად, ყველამ ვიცით, რომ ეს არჩევნები არ არის დაკავშირებული რიგგარეშე არჩევნებთან. ჩვენ გამოვთქვით მზაობა იმისა, რომ საერთო შეთანხმება მომხდარიყო, რასაც ჩვენმა ოპოზიციამ წიხლი ჰკრა და არ გაითვალისწინა.

ჩვენ შევცვალეთ ის მახინჯი პრაქტიკა, რაც ჰქონდა წინა ხელისუფლებას, როცა იყო სპეციალური დახურული უბნები, სადაც ადამიანებს, სახელმწიფო მოხელეებს აიძულებდნენ, რომ ხმა მიეცათ სახელისუფლებო პარტიისთვის. ჩვენ ეს პრაქტიკა შევცვალეთ, ადამიანები აიღებენ შვებულებას, რა ვალდებულებაც იქნება ჩვენი, რომ მივცეთ იმის საშუალება, რომ თავიანთ რაიონში წავიდნენ და ხმა მისცენ იმას, ვისაც სურთ“ - აცხადებს ბურჭულაძე.

მთავარი ფოტო: imedi.ge