მუსიკოსი,  ჯგუფ ,,რეზო და ბავშვების“ სოლისტი რეზო ბლიაძე სოციალურ ქსელში იმის შესახებ წერს, თუ რამდენად რთულ პირობებში აღმოჩნდნენ მუსიკალურ სფეროში დასაქმებული ადამიანები პანდემიის პერიოდში, რომელთაც ერთის მხრივ, რეგულაციების თანახმად, საკუთარ საქმიანობაზე უარის თქმა უწევთ, ხოლო მეორეს მხრივ, ბანკები გაცემულ სესხებზე არანაირ შეღავათს არ უწესებენ და ამის ნაცვლად, სესხის რესტრუქტურიზაციასა და პროცენტის გაზრდას სთავაზობენ. როგორც მუსიკოსი ამბობს, ათასობით ადამიანი მის მსგავსად გამოუვალ პიბობებში აღმოჩნდა და ამ ყველაფერზე პასუხისმგებელი ,,საქართველოს ბანკი“ და საქართველოს მთავრობაა.

,,მბავი პანდემიისა

მეგობრებო, ალბათ ხვდებით რომ გრძელი პოსტების წერა და უარყოფითი ენერგიების გადმოფრქვევა ჩემი ,,საქმე" არ არის. ჩემი საქმე მუსიკაა... სწორედ ჩემ საქმეს ეხება ჩემი დღევანდელი პოსტი და კიდევ იმას, თუ როგორ ექცევა სახელმწიფო ადამიანებს, ვისი საქმეც იგივეა, რაც ჩემი საქმე... მოკლედ, ამბავი მდგომარეობს შემდეგში: მოგეხსენებათ რომ ქართველი ,,მუსიკოსები" ც ადამიანები ვართ. თუმცა ჩვენ ადამიანობასთან დაკავშირებით გარკვეული კითხვის ნიშნები დაისვა სახელწმიფოს მხრიდან. გასაგებია რომ პანდემიამ სრულიად შეცვალა სურათი დედამიწაზე და ამის გააზრება გვიწევს, მაგრამ მე მინდა ამ პოსტში მოგიყვეთ ორ ,,ინსტიტუტზე" @საქართველოს მთავრობა @საქართველოს ბანკი სახელებმა შეცდომაში რომ არ შეგვიყვანოს, პირდაპირ გეტყვით რომ საქართველოზე და საქართველოს მოქალაქეზე ორიენტირებული არცერთი არ არის და ამაში თქვენც მალე დარწმუნდებით.... ამბავი დეტალურად. 2017 წელს, საქართველოს ბანკმა დამირეკა და მითხრა, რომ ჩემი შემოსავლები იძლეოდა საშუალებას იპოთეკური სესხით მეყიდა ბინა... წარვადგინე დოკუმენტები, სადაც გარკვევით ეწერა: რევაზ ბლიაძე ამდენი წლის დასაქმების ადგილი: ტვ ესა და ეს პროფესია : ,,მუსიკალური პროდიუსერი" ანუუუ, ბანკმა სესხი გასცა ჩემზე როგორც მუსიკალურ სფეროში დასაქმებულ ადამიანზე. დამატებით შემოსავალში ლამაზად მიუთითეს ჩემი კონცერტებიდან შემოსავალი და გაიხარე ქვეყანავ, სესხი დამტკიცებულია. მიუხედავად იმისა, რომ 2017 წლის მერე არაერთი სამსახური გამოვიცვალე (სხვა და სხვა მიზეზებით) მაინც ვახერხებდი რომ ,,საქართველოს ბანკოსთვის" მეხადა ის რა უნდა მეხადა... დაიწყო პანდემია და აბა თუ იცით რა მოხდა?? პირველი რაც აიკრძალა, რაც შეიზღუდა არის მუსიკა. ,,ცოცხალი მუსიკა" . სახელმწიფოს ჩარევის შედეგად @საქართველოს ბანკმა მოგვცა საშეღავათო პერიოდი, რომლითაც ცხადია ვისარგებლეთ... თუმცა ჰოი საოცრებავ... ამ გაჭირვების და მსოფლიოს ჩამონგრევის პარალელურად, @საქართველოს ბანკი 9% დან სესხს 13 % მდე ზრდის. ეს პერიოდი რაც საშეღავათო გგონია სულაც არაა საშეღავათო და პროცენტებთან ერთად ,,ჯამში" გადადახდელი თანხაც იზრდება... (ჩვენ ხო დედამიწაზე ყველაზე ჰუმანური საბანკო პოლიტიკა გვაქვს) ნუ, სხცა გზა არაა და ,,როგორც გეუბნებიან ისე უნდა მოიქცე" რა ხდება ახლა?? სახელმწიფო ზღუდავს კულტურულ ღონისძიებებს, მაგალითად აგვისტოში გაგვიუქმდა დაგეგმილი 8 კონცერტი... ხოლო, ამის პარალელურად, @საქართველოს ბანკი მაინც ჯიუტად ითხოვს რომ ვუხადოთ თანხა... ანუ მთავრობამ ერთი ხელით შეგვზღუდა და მეორე ხელით, ,,საქ. ბანკის ხელით" ითხოვს რომ ვიხადოთ... ვრეკავ საქართველოს ბანკში და ვითხოვ საშეღავათო პერიოდს. პასუხი ბანკისგან: საშეღავათო პერიოდით ვეღარ ვისარგებლებ... რატომ? პანდემია დავამარცხეთ? შეზღუდვები მოხსნა სახელმწიფომ? სამსახურები ვიშოვეთ და შემოსავლები გაგვეზარდა? ცხადია არა. იციან რომ არა, მაგრამ ფეხებზე კიდიათ ,,საქართველოს მოქალაქე" . უნდა გადაიხადო და მორჩა! იქნებ რამე გამოსავალია, ვეკითხები ბანკს. მთავაზობს გამოსავალს... @საქ. ბანკი: მოდით თქვენ სესხზე გავაკეთებთ რესტრუქტურიზაციას და სესხს გადაგინაწილებთ 180 თვეზე. თვეში გადაიხდი 1000 ლარს. 9 % დან უკვე გაზრდილ სესხს 13 % რომ გახდა, ეგ გახდება 16 % და 63 000 ლარის მაგივრად გადაიხდი 180 000 ლარს... (ვენაცვალე თქვენ ქართველობას, ალბათ ამიტომაც გქვიათ საქართველოს ბანკი. როგორ კარგად გაგიაზრებიათ შექმნილი რეალობა, როგორ მოგირგიათ მოქალაქეზე პირობები) ანუ, ადამიანი ეუბნება რომ ახლა, ვერ გადავიხდი, სანამ ეს შეზღუდვებია უფუნქციო ვარ (ამის გააზრება კიდევ ერთი სტრესი) და ბანკი გეუბნება, არაუშავს თუ არ გაქვს, იმის გამო რომ არ გაქვს გადაიხდი უფრო მეტს და იქვე იმასაც გიყოლებენ რომ ხვალ გაქვს ბოლო დღე და არ გადააცილო... აი, ეს არის საქართველოს მთავრობის ნამართი პანდემია. აი, ასე მიგვატოვა მძარცველი და წამგლეჯი ბანკის ხახაში სახელმწიფომ. მოვითხოვ @საქართველოს მთავრობისგან დროულ რეაგირებას!!! ან გახსენით ქვეყანა და მოგვეცით საშუალება ვიარსებოთ და მივხედოთ ჩვენ ცხოვრებას, უთქვენოდაც, ან ერთხელ მაინც სიღრმისეულად დაინტერესდით ,,მოქალაქით" და იყავით ღირსეულები... მოძებნეთ გამოსავალი ბანკებთან ერთად... და ნუ აძლევთ მათ საშუალებას ისედაც პრობლემაში მყოფი ადამიანები კიდევ უფრო დიდ პრობლემაში გადააგდონ... ნუ აძლევთ ბანკებს საშუალებას ისარგებლონ ადამიანების გაჭირვებით და გამოუვალი მდგომარეობით... ვიცი რომ ათასობით ადამიანის სათქმელს ვამბობ, ამიტომ გთხოვთ გააზიატოთ პოსტი, რათა უფრო კარგად ჩავახედოთ ,,ეს ნაგვის ურნები" და ,,გაჭირვებული ადამიანებით ფულის შოვნის სურვილით შეპყრობილი ავადმყოფები" - საკუთარ გადაწყვეტილებებში... @საქართველოს მთავრობა @საქართველოს ბანკი თქვენ ხართ უსამართლოები! არანაირი პატივისცემით: ჯგუფ ,,რეზო და ბავშვები"ს რეზო" _ წერს მუსიკოსი.