შინაგან საქმეთა სამინისტროს ინფორმაციით, ყვარელში, საქართველოს ბანკში შეჭრილი თავდამსხმელის მიერ აყვანილი ყველა მძევალი თავისუფალია. არსებული ინფორმაციით, ამ ეტაპზე, დამნაშავის დაკავების ოპერაცია მიმდინარეობს.
,,ყველა მძევალი თავისუფალია, არცერთი ადამიანის სიცოცხლეს საფრთხე არ ემუქრება. ადგილზე იმყოფებიან სხვადასახვა დანაყოფის წარმომადგენლები. ამ წუთებშიც მიმდინარეობს ღონისძიება. გამოძიება დაწყებულია და მიმდინარეობს არაერთი მუხლით. შეიარაღებასთან დაკავშირებით შეგვიძლია განვაცხადოთ, რომ ეს პირი ნამდვილად შეიარაღებულია" – აცხადებენ შსს–ში.
ადგილზე სპეციალური დანიშნულების რაზმები არიან მობილიზებულები.
ფოტო: facebook
