,,სამოქალაქო ეზოში“ აქტუალური თემების განხილვა გრძელდება. ,,სამოქალაქო მოძრაობის“ მიერ ორგანიზებულ პროექტს ამჯერად თინათინ გუგუნავამ უმასპინძლა. მწვანე გარემოში გამართული დისკუსიის თემები იყო: თბილისში არსებული ქაოტური მშენებლობები, თბილისის გენერალური გეგმა და ქალაქის დაგეგმარების პროცესში მოქალაქეების ჩართულობის მნიშვნელობა.
პროექტი 2019 წელს დაიწყო და მას შემდეგ შეხვედრები და ქვეყანაში მიმდინარე აქტუალურ თემებზე დისკუსიები ყოველ ზაფხულს კვირაში ერთხელ იგეგმება და შემოდგომის მეორე ნახევრამდე გრძელდება. შეხვედრებზე მოწვეულ სტუმრებს ,,სამოქალაქო მოძრაობის“ წარმომადგენლები მასპინძლობენ.
