,,სამოქალაქო მოძრაობის“ პროექტი, ,,სამოქალაქო ეზო" განახლდა. პროექტი პირველად 2019 წელს დაიწყო და მას შემდეგ ყოველ ზაფხულს შემოდგომის მეორე ნახევრამდე გამწვანებულ გარემოში შეხვედრები კვირაში ერთხელ იგეგმება.
,,სამოქალაქო ეზოში“ ბევრი ცნობილი სტუმარი იქნება მოწვეული, სადაც ქვეყანაში მიმდინარე პოლიტიკურ პროცესებს, საგანმანათლებლო საკითხებს, დედაქალაქის პრობლემებსა და სხვა საკითხებს განიხილავენ. მოწვეულ სტუმრებს ,,სამოქალაქო მოძრაობის" წარმომადგენლები უმასპინძლებენ.
ამჯერად სტუმრებს მოძრაობის ერთ-ერთმა ლიდერმა ფატი ბარჯაძემ უმასპინძლა და შეხვედრის თემები იყო: სამოქალაქო ჩართულობის მნიშვნელობა, პოლიტიკურ პროცესებში ახალი სახეების ჩართულობის აუცილებლობა და სირთულეები, რომელთაც ქალი ლიდერები აწყდებიან.
