,,სამოქალაქო მოძრაობის“ პროექტი ,,სამოქალაქო ეზო“ გრძელდება. პროექტს ყოველკვირეული სახე აქვს და მასპინძლები მოწვეულ სტუმრებთან ერთად ქვეყანაში მიმდინარე პოლიტიკურ პროცესებს, საგანმანათლებლო საკითხებს, დედაქალაქის პრობლემებსა და სხვა საკითხებს განიხილავენ.
პროექტი 2019 წელს დაიწყო და მას შემდეგ ყოველ ზაფხულს შემოდგომის მეორე ნახევრამდე გრძელდება. შეხვედრებს ,,სამოქალაქო მოძრაობის“ წევრები მასპინძლობენ.
ამჯერად სტუმრებს ,,სამოქალაქო მოძრაობის“ ერთ-ერთმა ლიდერმა, გიორგი რეხვიაშვილმა უმასპინძლა. შეხვედრაზე ისეთ აქტუალურ თემებზე იმსჯელეს, როგორიცაა: სამოქალაქო აქტივიზმის მნიშვნელობა, პოლიტიკოსებისა და მოქალაქეების მუდმივი კომუნიკაციის აუცილებლობა და თავისებურებები, თვითმმართველობის არჩევნების სპეციფიკა.
