თამარ ჩერგოლეიშვილი მიხეილ სააკაშვილის გუშინდელ პოსტს გამოეხმაურა

„თავს რომ ისაწყლებს თან - ვითომ პოლიტიკიდან გაწევა, ქვეყანაში ჩამოსვლაზე უარს ნიშნავს.

მიშა, “ძვირფასო”, შენგან განსხვავებით, ჩვენ გვინდა რომ ამ ქვეყანაში ჩამოხვიდე, თუ მოგინდება. 

სანამ ივანიშვილია, ვერ ჩამოდიხარ - გეშინია.

შენი აქტიურობა ბიძინას დამარცხებას მხოლოდ ხელს უშლის - დასავლეთსაც თიშავს პროცესიდან და მერყევ ამომრჩეველსაც.

ამიტომ, შენი ნებაა მაგრამ, თუ გაიწევი, მხოლოდ ჩამოსვლას დააჩქარებ - ჩამოხვალ და ისეირნებ.

კიდევ ერთხელ - პირიქითაა, აქ ჩამოსვლის და ბიძინასთან კონფრონტაციის ტრაკი შენ არ გაქვს.

რომ ჩამოხვიდე, ბიძინას უნდა მოვუგოთ.

შენი საქციელით, ამ მიზანს მხოლოდ გვაშორებ.

p.s. ამას გიხსნიდი, სხვას კი არაფერს ისტერიკებს რომ მიწყობდი“ - წერს ევროპული საქართველოს ლიდერის ცოლი თავის Facebook გვერდზე.

მიხეილ სააკაშვილის პოსტი:

„ძვირფასო TV პირველის ჟურნალისტებო, ინგა გრიგოლია, ეკა მიშველაძე, როდესაც იმეორებთ, რომ სააკაშვილი და ივანიშვილი, ორივე უნდა გაიწიოს, ინგა გრიგოლია თავისი სახელით ამბობს ამას და ეკა მიშველაძე მუდმივად ციტირებს ვიღაც მითიურ დასავლელ პოლიტიკოსებს, ამაზე ჩემი პასუხი არის შემდეგი:

გყავთ მოქმედი ოლიგარქი ივანიშვილი, რომელიც ყოველდღიურად ანგრევს ქვეყანას, ყოველდღიურად ძარცვავს თითოეულ ქართველს, დემოგრაფიული და ეკოლოგიური კატასტროფა მოაწყო საქართველოში და სააკაშვილი და ივანიშვილი ერთნაირად უნდა გაიწიონო... სააკაშვილი საიდან უნდა გაიწიოს – ლოგიკა არსებობს?!

თუ იმაზე საუბრობთ, რომ მე ჩემს ქვეყანაში არ უნდა ჩამოვიდე სიკვდილამდე? მაგას ვერ ეღირსება ვერავინ – საქართველო არის ჩემი სამშობლო!“

მთავარი ფოტო: Facebook