ფრაქცია "ლელო - პარტნიორობა საქართველოსთვის" თავმჯდომარე ჟურნალისტებთან მოსამართლეობის კანდიდატების დანიშვნის პროცესთან დაკავშირებით საუბრობს.

ბადრი ჯაფარიძე ამბობს, რომ ეს არის შარლ მიშელის შეთანხმების პირდაპირი დარღვევა და იზიარებს სახალხო დამცველის პოზიციას, რომელიც პროცესში მონაწილეობას არ იღებს.

ჯაფარიძის თქმით, ეს არის პროტესტის გამოხატვის ერთ-ერთი გზა, როცა შეთანხმება ირღვევა, ხოლო მის დარღვევაში მონაწილეობა არავინ უნდა მიიღოს.

„რაც შეეხება უზენაეს სასამართლოში მოსამართლეთა დანიშვნის გაგრძელებას, ეს არის პირდაპირი დარღვევა შეთანხმების, რაზეც არამხოლოდ ოპოზიცია მოუწოდებს ხელისუფლებას, არამედ თვითონ საერთაშორისო თანამეგობრობის წარმომადგენლები, რომლებიც იყვნენ მედიატორები და აბსოლუტურად იმავე აზრს იზიარებენ, რასაც ოპოზიცია. ამიტომ „ქართული ოცნება“ არის მარტო და დიდ პოლიტიკურ ფასს გადაიხდის თუკი მოახდენს საერთაშორისო თანამეგობრობის და შეთანხმების სრულ იგნორირებას“ - განაცხადა ბადრი ჯაფარიძემ.

მთავარი ფოტო:https: alia.ge