ახალქალაქის, კუმურდოსა და კარის მიტროპოლიტი, მეუფე ნიკოლოზი მეუფე იაკობის ნინოწმინდის პანსიონის ხელმღვანელად დანიშვნას ეხმაურება და ამბობს, რომ იაკობი ძალიან კარგი ადმინისტრატორია.
„ლექსიკა აქვს ისეთი, გამომწვევია, გასაგებია, მე მის შეფასებებს არ გავაკეთებ, მაგრამ ძირითადად მის შესახებ ისმის, შეიძლება, მისი განცხადებებიდან გამომდინარე ნეგატიური შეფასებები. მე არ მახსოვს, ვინმეს ოდესმე თავში მოსვლოდეს ასეთი აზრი, რომ ვინმეს შეეფასებინოს მეუფე იაკობის პოზიტიური - რა გააკეთა კარგი. მინდა გითხრათ, რომ ყველაფერთან ერთად კარგი ადმინისტრატორია ძალიან. საკმარისია, მის ეპარქიაში ერთხელ მაინც ჩავიდეს რომელიმე ჟურნალისტი - რა გაკეთდა, როგორი მოწყობილი აქვს ეპარქია“ - ამბობს მეუფე ნიკოლოზი.
მთავარი ფოტო: reginfo.ge
