ყაზახეთის საზღვართან 9 ქართველი დააკავეს, ისინი სატვირთო ავტომობილების მძღოლები არიან. მათ ტვირთის გადაზიდვის მიზნით საზღვრის გადაკვეთა სცადეს, თუმცა, ნებართვის შესახებ ინფორმაცია არ ჰქონდათ. ამის გამო, მძღოლებს 4 000-დოლარიანი ჯარიმა და მანქანების კონფისკაცია ემუქრებათ. ისინი დახმარებას ითხოვენ.

„გუშინ გაგვაჩერა სატრანსპორტო პოლიციამ და დაგვაპატიმრეს ყველა, დაგვაპატიმრეს დაზოლის არ ქონის გამო. სანამ ყაზახეთში წამოვიდოდით, ვიყავი თბილისის სატრანსპორტოში, სადაც დაზოლებს იძლევიან. ავიღე უზბეკეთის დაზოლი, ავიღე რუსეთის დაზოლი და ვიკითხე ყაზახეთზე დაზოლი და მითხრეს, რომ არ იყო საჭირო. საელჩოში ვრეკავთ და ტელეფონს არავინ არ იღებს. საქართველოში ან საზღვარს არ უნდა გავეფრთხილებინეთ?!“ - ამბობს ერთ-ერთი მძღოლი.

მისი ინფორმაციით, მსგავსი პრობლემა საქართველოს მოქალაქეებს სხვა ქვეყანაშიც შეექმნათ.

სატვირთო მანქანების მძღოლები საქართველოში დაბრუნებას ვერ ახერხებენ და ამ დრომდე საზღვარზე რჩებიან.

ინფორმაციას მთავარი არხი ავრცელებს.

მთავარი ფოტო: reginfo.ge