რუსეთმა იტალიის საელჩოს თანამშრომელი ქვეყნიდან გააძევა - ინფორმაციას რუსული მედია საგარეო საქმეთა სამინისტროზე დაყრდნობით ავრცელებს.
გავრცელებული ინფორმაციით, რუსეთში იტალიის ელჩი საგარეო საქმეთა სამინისტროში დაიბარეს და მიაწოდეს ინფორმაცია საელჩოში სამხედრო-საზღვაო ძალების ატაშეს პერსონა ნონ-გრატად გამოცხადების შესახებ.
საგარეო უწყება განმარტავს, რომ ატაშეს გაძევება არის პასუხი, იტალიის მთავრობის მიერ რუსეთის სამხედრო ატაშეს მიმართ არამეგობრულ და უსაფუძვლო მოქმედებებზე.
იტალიის საელჩოს უკვე ყოფილმა თანამშრომელმა რუსეთის ტერიტორია 24 საათში უნდა დატოვოს.
ცნობისათვის, იტალიამ მარტის ბოლოს ორი რუსი დიპლომატი ჯაშუშობის ბრალდებით გააძევა ქვეყნიდან.
მთავარი ფოტო: freepik.com
