ოკუპირებული აფხაზეთის ე.წ. „პრეზიდენტი“, ასლან ბჟანია, TASS-თან ინტერვიუში აცხადებს, რომ აფხაზეთის საჰაერო ძალებს მოდერნიზება სჭირდება და ამ საკითხთან დაკავშირებით ისინი დახმარებას რუსეთისგან ელოდებიან.

„აფხაზეთს ჰყავს საჰაერო ძალები, მაგრამ საჭიროა მათი მოდერნიზაცია. ჩვენ გვჭირდება ახალი თვითმფრინავები და კარგად გაწვრთნილი აფხაზი მფრინავები. ჩვენ ველოდებით მხარდაჭერას რუსეთისგან და ეს მხარდაჭერა სავარაუდოდ მალე გვექნება“ - განაცხადა ბჟანიამ.

მისი თქმით, რუსეთის გენშტაბის წარმომადგენლები ახლახან აფხაზეთში იმყოფებოდნენ და ე.წ. „თავდაცვის სამინისტროში“ მოლაპარაკებები გამართეს. ბჟანიას განმარტებით,რამდენიმე პოზიციაზე პროგრესი მიღწეულია.

მთავარი ფოტო: for.ge