თბილისის მერიის გარემოს დაცვის საქალაქო სამსახურის უფროსმა, გიგა გიგაშვილმა თანამდებობა დატოვა. მან ამის შესახებ დედაქალაქის მთავრობის სხდომის შემდეგ განაცხადა. როგორც გიგაშვილმა ჟურნალისტებს უთხრა, თანამდებობიდან წასვლის გადაწყვეტილება მან თავად მიიღო.
,,დატრიალებული ტრაგედიის გამო, ჩემი მოადგილე, ამ ეტაპისთვის, არის დაკავებული. მე, როგორც გარემოს დაცვის საქალაქო სამსახურის უფროსი, რა თქმა უნდა, ვგრძნობ მორალურ პასუხისმგებლობას ჩემი მოადგილის სამსახურეობრივ ქმედებაზე ყველა თანამშრომლის მიმართ, ამიტომ, ვთვლი, რომ საჭიროა დავტოვო ჩემი თანამდებობა, გარემოს დაცვის საქალაქო სამსახურის პოსტი, სრულად ვითანამშრომლებ გამოძიებასთან, რათა დადგინდეს სიმართლე, თუ რეალურად რა მოხდა ამ ტრაგედიის დღეს და ყველა იმ კითხვას, რომელიც არსებობს საზოგადოებაში პასუხი გაეცეს“ _ განაცხადა გიგაშვილმა.
