ევროპულმა საბჭომ უკრაინასა და მოლდოვას კანდიდატის სტატუსი ოფიციალურად მიანიჭა. ამის შესახებ ევროსაბჭოს პრეზიდენტი შარლ მიშელი Twitter-ზე წერს.

,,Შეთანხმება. ევროსაბჭომ ახლახან გადაწყვიტა უკრაინისა და მოლდოვას ევროკავშირის კანდიდატის სტატუსი მიანიჭოს. ისტორიული მომენტია. დღეს არის გადამწყვეტი ნაბიჯი თქვენს გზაზე ევროკავშირისკენ. ვულოცავ უკრაინასა და მოლდოვას. ჩვენი მომავალი ერთადაა“ _ წერს შარლ მიშელი.

საქართველოს შესახებ კი შარლ მიშელი წერს, რომ ევროკავშირი მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება.

,,ევროკავშირის საბჭომ გადაწყვიტა აღიაროს საქართველოს ევროპული პერსპექტივა და მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება.  ვულოცავ ქართველ ხალხს. ეს ისტორიული მომენტია ევროკავშირი– საქართველოს ურთიერთობებში:   საქართველოს მომავალი ევროკავშირშია“ _ წერს შარლ მიშელი.