პოლონეთში შეერთებული შტატების 82-ე საჰაერო სადესანტო ბრიგადის სამხედრო მოსამსახურეები ჩავიდნენ. ისინი უკრაინელ სამხედროებს მოამზადებენ. ამის შესახებ აშშ-ის ელჩმა უკრაინაში ბრიჯიტ ბრინკმა განაცხადა, რომელიც გუშინ ამერიკელ სამხედროებს შეხვდა.
„დილა გავატარე 82-ე საჰაერო სადესანტო ბრიგადასთან, აშშ-ს ნაწილთან, რომელიც ცდილობს დაეხმაროს უკრაინას თავის დაცვაში. როგორც ლოიდ ოსტინმა თქვა, ჩვენ გადავწყვიტეთ, ვიმუშაოთ უფრო და უფრო სწრაფად, რათა უკრაინას მივცეთ ის დახმარება, რომელიც მას ბრძოლის ველზე სჭირდება. მადლობა ყველას ამ მნიშვნელოვანი მისიის მხარდაჭერისთვის“ _ განაცხადა ბრიჯიტ ბრინკმა.
