,,მოქალაქეების“ ლიდერის, ალეკო ელისაშვილის განცხადებით რუსთავის მაჟორიტარად ბადრი ჯაფარიძეს დიდი ალბათობით მხარს არ დაუჭერენ, რადგან პარტიას საკუთარი კანდიდატი ეყოლება. მისი შეფასებით ,,ლელოს“ საქციელი სხვა ოპოზიციონერების მიმართ არაკოლეგიურია.
,,გუშინ ვიხილეთ ,,ლელოს“ არაკოლეგიური საქციელი, გამოვიდნენ, პრესკონფერენცია გამართეს და თქვეს, რომ ბადრი ჯაფარიძე საერთო ოპოზიციური კანდიდატი იქნება რუსთავში. ეს არის არაკოლეგიალური დამოკიდებულება, ასე არ შეიძლება. პრესკონფერენციას აწყობენ და გვითითებენ, ეს იქნება კანდიდატი და მხარი დაუჭირეთო. ჩვენ ჩვენი გეგმები გვაქვს, დიდი ალბათობით ჩვენი კანდიდატი გვეყოლება, ამიტომ ბადრი ჯაფარიძეს მხარს არ დავუჭერთ. თუ თანხმობა უნდათ, წინასწარ კონსულტაცია გაიარონ. ტერიტორიას რომ მინიშნავ და სხვა გზა არ გაქვს, მხარი უნდა დამიჭირო, სწორი არ არის“ _ განაცხადა ალეკო ელისაშვილმა.
,,ლელოს“ ერთ-ერთ ლიდერს, ბადრი ჯაფარიძეს პარლამენტმა სადეპუტატო უფლებამოსილება გუშინ შეუწყვიტა. ამის მიზეზი სასამართლოს გამამტყუნებელი გადაწყვეტილება გახდა. როგორც პარტიაში განაცხადეს, მანდატის შეწყვეტის შემდეგ ბადრი ჯაფარიძეს შუალედურ არჩევნებში რუსთავის მაჟორიტარობის კანდიდატად წარადგენენ.
