გეგმა გვაქვს, რომ 2024 წლისთვის 50%-იან ნიშნულზე დაბლა უნდა ჩამოვიდეს საგარეო ვალი. ამის შესახებ ფინანსთა მინისტრამ ლასა ხუციშვილმა ბიუჯეტის საბოლოო წარდგენისას განაცხადა. მინისტრის თქმით, ქვეყანას კიდევ 4-5 წელი დასჭირდება,  რომ საგარეო ვალი 40%-იან ნიშნულზე ჩამოვიდეს.

,,მომდევნო წელს საგარეო ვალი 60%-დან, დაახლოებით, 51%-იან ნიშნულზე ჩამოვა, რაც არის მნიშვნელოვანი შემცირება. თუმცა, ჩვენ მომდევნო წლებშიც ძალიან მნიშვნელოვანი რესურსები გვჭირდება, მათ შორის დეფიციტური. ეს იქნება მცირე, თუმცა, ასევე მნიშვნელოვანი. გეგმა გვაქვს, რომ 2024 წლისთვის 50%-იან ნიშნულზე დაბლა უნდა ჩამოვიდეს საგარეო ვალი. ე.წ. უსაფრთხო ზონა, დაახლოებით, 40 ქვეყნისთვის არის 40%-იანი ნიშნული, რასაც, ალბათ, მომდევნო კიდევ დამატებით 4-5 წელი დასჭირდება, იმისთვის, რომ ქვეყანა ამ ნიშნულს დაუბრუნდეს“ _ განაცხადა ლაშა ხუციშვილმა.