ბათუმის ერთ-ერთ საჯარო სკოლის მოსწავლეს თანატოლებმა სცემეს. არსებული ინფორმაციით, მე-8 კლასელი გოგონა თანატოლებმა მიტოვებულ რესტორანში წაიყვანეს და ფიზიკური და სიტყვიერი შეურაცხყოფა მიაყენეს. ფიზიკური დაპირისპირების ამსახველი ვიდეო კადრები, რომელიც მოზარდებმა თავად გადაიღეს, TikTok-ზე გავრცელდა. ვიდეოში ჩანს, თუ როგორ აიძულებს ერთი მოსწავლე მეორეს იმის თქმას, რასაც მას ავალებენ, წინააღმდეგ შემთხვევაში ცემით ემუქრება.
"მითხარი რა ხარ?! მითხარი თორემ დაგარტყავ კიდევ ერთხელ" - ისმის ვიდეოში.
მომხდარ ფაქტზე შსს-მ საგამოძიებო ღონისძიებები ჩაატარა, მათ შორის გამოიკითხნენ არასრულწლოვნები.
,,საგამოძიებო მოქმედებები კანონის სრული დაცვით – მშობლებთან და სოციალურ მუშაკებთან ერთად ჩატარდა. გამოძიება მიმდინარეობს სისხლის სამართლის კოდექსის 151-ე მუხლით“ _ აცხადებენ შინაგან საქმეთა სამინისტროში.
