„ლელოს“ ერთ-ერთმა ლიდერი, ლანა გალდავა, სუს-ის მიერ ბელარუსის ,,კგბ“-სთან დადებულ შეთანხმებას გამოეხმაურა და განაცხადა, რომ ამგვარად საქართველო შორდება დემოკრატიის, ევროკავშირისა და ნატო-ს გზას.
„იმის ნაცვლად, რომ ხელისუფლებამ აქტიურად ითანამშრომლოს სტრატეგიულ პარტნიორებთან, შეასრულოს ევროკავშირის მედიაციით მიღებული ,,შარლ მიშელის შეთანხმება” და დაადგეს დასავლური ღირებულებების მხარდაჭერის გზას, საქართველოს ხელისუფლება ხელშეკრულებას უფორმებს ბელარუსის ,,კგბ“-ს.
სუს-ი ვალდებულია განმარტება გააკეთოს, თუ როგორ აპირებს თანამშრომლობას ბელარუსის უშიშროების კომიტეტთან, ემუქრება თუ არა საქართველოში პოლიტიკური თავშესაფრის მაძიებელ ბელარუს უფლებადამცველებს, ჟურნალისტებს და უბრალოდ, რეჟიმის მიერ დევნილ მოქალაქეებს საფრთხე, იძლევა თუ არა ზემოაღნიშნული შეთანხმება არადემოკრატიული რეჟიმის ლეგიტიმაციის რისკებს.
სწორედ მსგავსი გადაწყვეტილებებით, სამწუხაროდ, საქართველო შორდება დემოკრატიის, ევროკავშირის და ნატო-ს გზას“ - აცხადებს ლანა გალდავა.
მთავარი ფოტო: 2020news.ge
