ეროვნულ-დემოკრატიული ინსტიტუტისა და CRRC-საქართველომ დღეს ახალი სოციოლოგიური კვლევის შედეგები გამოაქვეყნა. კვლევის შედეგების თანახმად, კითხვაზე, გაიკეთებდითთუ არა კორონავირუსისსაწინააღმდეგო ვაქცინას,მოსახლეობის 47 პროცენტი აცხადებს, რომ არ გაიკეთებდა. გამოკითხულთა 35 პროცენტი კი აცხადებს, რომ ვაქცინას გაიკეთებდა, შვიდი პროცენტის თქმით, ვაქცინა უკვე გაიკეთა, ხოლო 11 პროცენტმა კითხვაზე პასუხი არ იცის.
იმ პირებიდან, რომლებიც აცხადებენ, რომ ვაქცინას არ გაიკეთებენ, გამოკითხულთა 47 პროცენტი ამის მიზეზად ასახელებს, რომ ვაქცინის ხარისხს არ ენდობა, ხოლო გამოკითხულთა 20 პროცენტი აცრას ჯანმრთელობის გამო ვერ იკეთებს. შვიდი პროცენტი მიიჩნევს, რომ ვაქცინაციას სინამდვილეში სხვა მიზნები აქვს. ორი პროცენტი ვაქცინების წინააღმდეგია, ხუთი პროცენტი სხვა მიზეზს ასახელებს, ხოლო კითხვაზე პასუხი არ იცის გამოკითხულთა ხუთმა პროცენტმა.
