ჭყონდიდელმა მიტროპოლიტმა სტეფანემ ქალი ტაძრიდან გააძევა, ამ მოწოდებით მან სტიქაროსნებს მიმართა.
აღნიშნული ქალის მიერ მეუფის მისამართით დასმულ შეკითხვას მოჰყვა, რომელიც მისი სამსახურიდან გათავისუფლების მიზეზებს შეეხებოდა. მაია ცაავა ამბობს, რომ ის სასულიერო გიმნაზიაში მზარეულად მუშაობდა, მეუფე სტეფანეს მოსვლის დროს კი თავდაპირველად დასაქმებულთა ხელფასი შემცირდა, შემდეგ კი მისი ბრძანებით ქალი სამსახურიდან გაათავისუფლეს.
"გიმნაზიაში მზარეული ვიყავი. გრიგოლ კაციას დროს ხელფასი 100 ლარით გაგვეზარდა, თუმცა, მიტროპოლიტი სტეფანეს შემდეგ ის 100 ლარი ისევ დაგვაკლეს. ვითხოვდით მომატებას. რამდენჯერმე მოგვატყუეს. ამის გამო ამოვიღე ხმა. ამის გამო მან მოითხოვა ბოდიშის მოხდა. პირადად მისთვის ითხოვდა ბოდიშის მოხდას. სხვებმა ეს გააკეთეს. მე სტეფანეს ბოდიშს არ მოვუხდი, არაფერი დამიშავებია. მითხრას, რას ვაშავებდი" - ამბობს მაია ცაავა.
მისივე თქმით, მეუფე სტეფანე მოძალადეა, ხოლო სასულიერო პირი ქალის გათავისუფლების შესახებ განცხადებას არ აკეთებს და ამბობს, რომ ქალი პროვოკატორია და მისი სამსახურიდან გაშვების შესახებ ინფორმაცია განთავისუფლების დოკუმენტში სრულად წერია.
ფოტო: facebook
