"მე არ ვაპირებ ჩაშლას, მე უბრალოდ სიტყვით ვამბობ, სულიწმინდის მადლით ვილოცებ, რომ ვერ ჩაატარონ, იმიტომ, რომ სულიწმინდის გმობა არის ეს მოქმედება. ეს არ არის ადამიანის უფლება, ეს არის სოდომური ცოდვა, რომელიც ადამიანს აზიანებს" - ამის შესახებ ჭყონდიდის მიტროპოლიტმა, მეუფე სტეფანემ განაცხადა.
მისი თქმით, პრაიდის ჩატარება არამიზანშეწონილია და მისთვის პროპაგანდა მიუღებელია.
"სულიწმინდის მადლით და აი ამ ადამიანების მეოხებით, რომლებიც სულიწმინდის მადლით მოქმედებენ, არც ჩხუბს არ აპირებენ და არც არავისთან დაპირისპირებას. მე შეიძლება პირადად არ მივიდე, მაგრამ სხვა ადამიანები რომ იქ მივლენ, ამაში გეპარებათ ეჭვი? ჩემი მოწოდება რა შუაშია, მე რომ საერთოდ ხმა არ ამოვიღო თქვენ გგონიათ, საქართველოში ხალხი გაწყდა და ვეღარ აზროვნებს... მე მირჩევნია ციხეში წავიდე, ვიდრე დღეს ვიდგე და თქვენს გვერდით "გავაპრავო" სოდომური ცოდვა" - განაცხადა მეუფემ.
ფოტო: facebook
