,,ტვ პირველის“ გარდაცვლილ ოპერატორ ლექსო ლაშქარავასა და ჟურნალისტ მირანდა ბაღათურიაზე ძალადობის ფაქტზე ბრალდებულ გია გიუაშვილს პატიმრობა შეეფარდა. გადაწყვეტილება მოსამართლე ეკა კულულაშვილმა ცოტა ხნის წინ მიიღო. 

ლექსო ლაშქარავას ცემის ეპიზოდზე ბრალი კიდევ 5 პირს აქვს წარდგენილი, ყველა მათგანი წინასწარ პატიმრობაში რჩება. ჯამში, 5 ივლისის მოვლენებზე 29 პირია ბრალდებული და ყველას აღკვეთის ღონისძიების სახით პატიმრობა აქვს შეფარდებული.

,,მოწმეთა ჩვენებები ამოცნობის ოქმები ქმნის დასაბუთებული ვარაუდის სტანდარტს, რომ ბრალდებულმა ჩაიდინა ბრალად შერაცხული ქმედება. მართალია, ბრალდებული არ არის ნასამართლევი, მაგრამ ქმედების ხასიათი ქმნის ახალი დანაშაულის საფრთხეს. ბრალდებულის მხრიდან განხორციელებულმა ქმედებამ გამოიწვია ფიზიკური ძალადობა ჟურნალისტების მიმართ. დახურულ სივრცეში, სადარბაზოში, სადაც ოპერატორი და ჟურნალისტი ფიზიკურად ვერ გაიქცეოდნენ გიგა გიგუაშვილი და სხვა პირები ჯგუფურად დაესხნენ მათ თავს. ეს იყო ჰომოფობიური და ტრანსფობიური მოტივებით განხორციელებული ძალადობა. ჟურნალისტები გარკვეულწილად ლგბტ თემის პროპაგანდისტებად ასოცირდებოდნენ. იმისათვის, რომ ამ ადამიანებს  პროფესიული მოვალეობა არ შეესრულებინათ, გადავიდნენ ფიზიკურად ძალადობაზე“ _  განაცხადა საქმის პროკურორმა თამარ იაკობიძემ.

ცნობისთვის, 5 ივლისს ძალადობრივი და ჰომოფობიური ჯგუფის წევრებმა "TV პირველის" ოპერატორს, "სირცხვილიას" ოფისთან, სასტიკად სცემეს. 11 ივლისს ლაშქარავა გარდაცვლილი იპოვეს.