სახელმწიფო ინსპექტორის სამსახურმა ლექსო ლაშქარავას საქმეზე შსს დააჯარიმა. სახელმწიფო უწყებამ კანონდარღვევად მიიჩნია შსს-ს მიერ ლექსო ლაშქარავას გადაადგილების ამსახველი ვიდეოჩანაწერების გასაჯაროება და ეს პერსონალური მონაცემების დაცვის დარღვევად შეაფასა.
როგორც უწყებაში ამბობენ, 11 ივლისს სამინისტროს მიერ გასაჯაროებული ვერც ერთი ვიდეოჩანაწერი ვერ პასუხობდა საზოგადოებაში არსებულ მთავარ კითხვას გარდაცვალების კონკრეტულ მიზეზთან დაკავშირებით და ამასთან ერთად, ბრიფინგებზე არ იქნა განმარტებული ალექსანდრე (ლექსო) ლაშქარავას გარდაცვალებასთან აღნიშნული ჩანაწერების კავშირი.
უწყებამ ლექსო ლაშქარავას პერსონალური მონაცემების უსაფუძვლოდ დამუშავებისთვის შინაგან საქმეთა სამინისტრო 2 000 ლარით დააჯარიმა. 500 ლარით დაჯარიმდა სამედიცინო დაწესებულებაც, საიდანაც შსს-მ კადრები ამოიღო.
მთავარი ფოტო: sputnik-georgia.com
