სასტიკი მკვლელობა მოხდა მარნეულში - სოფელ ზემო სალარიში მამაკაცმა მისი ყოფილი ცოლი და სიმამრი მოკლა, ცოლის დედა და ძმა კი დაჭრა. შემთხვევა გუშინ, გვიან ღამით მოხდა.
მამაკაცი სამართალდამცავებმა უკვე დააკავეს.
შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, მარნეულის მუნიციპალიტეტში მომხდარი მკვლელობისა და მკვლელობის მცდელობის ფაქტებზე, 1992 წელს დაბადებული ე.ა. დააკავეს.
მას ოჯახის ორი ან მეტი წევრის მიმართ დამამძიმებელ გარემოებაში ჩადენილ განზრახ მკვლელობასა და ოჯახის ორი ან მეტი წევრის მიმართ დამამძიმებელ გარემოებაში ჩადენილ განზრახ მკვლელობის მცდელობაში ედება ბრალი" - წერია შსს-ის განცახდებაში.
დაკავებულს 20 წლამდე, ან უვადოდ თავისუფლების აღკვეთა ემუქრება.
ფოტო: facebook
