უფლებადამცველის, ბაია პატარა ინფორმაციით, ანტივაქსერმა მამაკაცმა ცოლი აცრის გაკეთების გამო სცემა, ამის შესახებ პატარა სოციალურ ქსელში წერს. მისი ცნობით, შემთხვევა დღეს მოხდა.
"თითქოს კი აღარაფერი მიკვირს, მაგრამ დღეს კაცმა ცოლი აცრისთვის ისე სცემა, რომ პირდაპირი მნიშვნელობით კბილები ჩაულეწა. ქალი ისეთი შეშინებული იყო, ძლივს დავარწმუნეთ, რომ პოლიციისთვის ეთქვა. ის ველური ანტივაქსერა კაცი კი ჩააყუდეს, მაგრამ მსხვერპლი ძალიან დაშინებულია. იმედია, გირაოთი არ გამოუშვებენ მოძალადეს, ამ ბოლო დროს ძალიან ცუდად იქცევიან მოსამართლეები და სულ გირაოთი ათავისუფლებენ ოჯახში და ქალზე მოძალადეებს" - წერს ბაია პატარა.
ფოტო: facebook
