პირველი ტყუილი რაც თქვით ეს არის მოლდოვა. თქვენ მთელი ამ პერიოდის მანძილზე რაც ტრიბუნასთან დგახართ საქართველოს მოქალაქეებს აშინებთ ომით. ასე მიმართა პარლამენტის ფრაქციის ,,ერთიანი ნაციონალური მოძრაობა - ძალა ერთობაშია“ წევრმა ხატია დეკანოიძემ პარლამენტში ინტერპელაციის წესით მისულ ირაკლი ღარიბაშვილს.
,,მე გეტყვით, როგორ იქცევა ქვეყნის მეთაური, რომელიც არის ქვეყნის ნამდვილი წინამძღოლი. როდესაც საუბრობთ, რომ მოლდოვაში არის ომის საფრთხე, მე წაგიკითხავთ მაია სანდუს სიტყვებს, რომელიც ამბობს, რომ მე მინდა დავარწმუნო მოლდოვის მოსახლეობა, რომ არავითარი ომის საფრთხე არ არსებობს, რადგან ჩვენ გვიცავს უკრაინა და სანამ უკრაინა იბრძვის, არ არსებობს მოლდოვაში ომის საფრთხე. ეს არის ნამდვილი პრეზიდენტი და ქვეყნის მეთაური. თქვენ არ ხართ ნამდვილი პრემიერი და ქვეყნის მეთაური, რადგან თქვენ ხართ ადამიანი, რომელიც საკუთარ მოქალაქეებს ატერორებს, შიშს თესავს და იმის თქმასაც ვერ ბედავთ, რომ რუსეთი დასუსტდა“ _ მიმართა ხატია დეკანოიძემ პრემიერ-მინისტრს.
