ჭყონდიდელი მიტროპოლიტი, მეუფე სტეფანე ფიქრობს, რომ ეპარქიაში მომხდარი ინციდენტისას, რა დროსაც აივანი ჩაინგრა და ჟურნალისტები დაშავდნენ, მათ შორის არც ერთი იმიტომ არ გარდაიცვალა, რომ უფალი დაეხმარათ. მისივე განცხადებით, ეს იმიტომ მოხდა, რომ მან ილოცა და დაშავებულები ღმერთს მიანდო.

მეუფე სტეფანე ამბობს, რომ „გალობა ერთადერთი საშუალებაა, რომლითაც შესაძლებელია დაისადგუროს სიმშვიდემ". მისი თქმით, „ამ სიმშვიდის დასადგურებისთვის“ აღარაფერს აქცევდა ყურადღებას და "დაიწყო გალობა".

"ლოცვა შველის ადამიანს როცა ცუდადაა. მე ასე ვიცი, რომ როდესაც ლოცულობ ადამიანისთვის, მას ჯანმრთელობაშიც ეხმარები და სიკვდილისგანაც გადაარჩენ. როცა ჩვენ დავიწყეთ ლოცვა, თქვენ როგორ ფიქრობთ ახლა, იქიდან გადავარდნილი ადამიანები, რატომ არცერთი არ მოკვდა, ან რამე არ მოუვიდა? ღმერთი არ შეცვლის? ღმერთი არ მიეხმარა? თავისით გახდნენ კარგად? უფალმა გახადა კარგად. მე ვილოცე, მე ღმერთს მივანდე" - ამბობს მეუფე სტეფანე.

შეგახსენებთ, რომ ინცინდენტი მარტვილში 8 მარტს იმ დროს მოხდა, როცა მეუფე სტეფანე სასულიერო პირებთან შეხვედრას მართავდა. ადგილზე შეიკრიბა მრევლის ნაწილი, რომლებიც უკმაყოფილო არიან ახალი მმართველის გადაწყვეტილებით, რომლის საფუძველზეც მეუფემ ორ დიაკვანს მღვდელმსახურების უფლება შეუჩერა.

მთავარი ფოტო: patriarchate.ge