„ლელოს“ დეპუტატმა ანა ნაცვლიშვილმა ჟურნალისტებთან ამნისტიის კანონპროექტზე საუბრისას განაცხადა, რომ ოპოზიცია მმართველი გუნდის ვერსიას მხარს არ დაუჭერს და გამოსავალი ხელისუფლებისა და მართლმსაჯულების ფუნდამენტური რეფორმირებაა.

„ჩვენი პოზიციაა, რომ ამ ფაქტის მიუღებლობა გვაქვს - როგორც დე ფაქტო ვითარების, ასევე ამის კანონით გაფორმების. ოპოზიცია "ამნისტიის შესახებ" "ქართული ოცნების" ვერსიას მხარს არ უჭერს. ეს არის უკიდურესად პრობლემური ადამიანის უფლებების თვალსაზრისით. 20 ივნისზე მართლმსაჯულების აღსრულება შესაძლებელი გახდება მხოლოდ მას შემდეგ, რაც შეიცვლება ხელისუფლება და ხელისუფლება იქნება ისეთი პოლიტიკური ძალების ხელში, რომელთაც ეყოფათ გამბედაობა და ზომიერებაც, რომ დათმონ კონტროლი მართლმსაჯულების ინსტრუმენტებზე, ეს მოხდება არჩევნების გზით და ამიტომ გამოსავალი არის ხელისუფლების და მართლმსაჯულების ფუნდამენტური რეფორმირება“ - ამბობს ანა ნაცვლიშვილი.

მთავარი ფოტო: megatv.ge