ზუგდიდის რეფერალურ ჰოსპიტალში დაუზუსტებელი ნარკოტიკული საშუალებით ინტოქსიკაციის ნიშნებით გუშინ რვა ახალგაზრდა მოათავსეს.
მათგან ოთხი უკვე ბინაზე გაეწერა. ორი კი მართვით სუნთქვაზე რჩება.
„ოთხი გაწერილია ბინაზე, ოთხი რჩება რეანიმაციულ განყოფილებაში. რეანიმაციულ განყოფილებაში მოთავსებული ოთხი პირიდან ორის მდგომარეობა დინამიკაში გაუმჯობესებულია, ხოლო ორი მართვით სუნთქვაზეა“ - ამბობს ჰოსპიტლის კლინიკური მენეჯერი სულხან ორჟონია.
მთავარი ფოტო: netgazeti.ge
