მთავარია პენსიონრების საქმე გაკეთდეს და ვინც უნდა დაიბრალოს, - ასე ეხმაურება პარტია მოქალაქეების ლიდერი, ალეკო ელისაშვილმა. გიორგი ვაშაძის მიერ საპენსიო სესხების შესახებ გაკეთებეულ განცხადებებს. მისი თქმით, უტიფრობაა, როცა ამბობ, მხოლოდ მე დავიწყე პენსიონერების სესხების კაბალურ პროცენტებზე ლაპარაკი და მანამდე არავის ამოუღია ხმაო.
,,21 - ე საუკუნეა, ინტერნეტის ეპოქაა, მოძებნეთ და ნახეთ, პარლამენტში შესვლის პირველივე დღიდან თუ არ ვლაპარაკობთ ამ პრობლემაზე მე და ლევან ისელიანი კომიტეტის სხდომაც კი დავანიშნინეთ კოვზანაძეს. დოკუმენტურადაა დადასტურებული, რომ სხდომა იმართება პარტია მოქალაქეების ინიციატივით, საპენსიო სესხების პროცენტებთან დაკავშირებით. ერთ ბანკს რომ არ უნდა ჰქონდეს მონოპოლია, იმასაც კი ვამბობდით. თუმცა ისიც ვთქვით, რომ პენსიების სხვადასხვა ბანკების მეშვეობით დარიგების ინიციატივა, ჩვენამდე ოცნების დეპუტატს, ირაკლი ზარქუას ჰქონდა. ჩვენ უბრალოდ დავძარით ეს საქმე პარლამენტში და მივყვებით ბოლომდე. ძალიან კარგია, რომ ვაშაძე ჩაერთო ამ პროცესში და უკეთესი იქნება ყველა თუ ჩაერთვება და ჩვენს პენსიონერებს არ გაძარცვავს ლიბერთი ბანკი. უბრალოდ იმის თქმა, რომ მე ვარ ყველაფერი და ჩემამდე არავის გახსენებია პენსიონერები, უტიფრობაა. თქვი შე დალოცვილო, მოქალაქეების ინიციატივას ვუერთდები და მეც მაქვს იდეებიო, რა პრობლემაა? ვაშაძეც იყოს, ზარქუაც, ჩვენც, სხვებიც. მთავარია საქმე გამოვიდეს და ვინც უნდა დაიბრალოს - აცხადებს პალიტრა ტვ - ს ეთერში პარლამენტის წევრი.
ფოტო: facebook
