საწვავზე გაზრდილ ფასებს მოსახლეობასთან ერთად პოლიტიკოსებიც აპროტესტებენ. მას შემდეგ, რაც პარლამენტის ტრიბუნიდან ალეკო ელისაშვილმა მოუწოდა ხელისუფლებას, საწვავზე აქციზის გადასახადის გადახედვისკენ, იგივე პრობლემას დანარჩენი ოპოზიციური პარტიებიც გამოეხმაურნენ. ევროპული საქართველოს ლიდერმა, გიგა ბოკერიამ პრესკონფერენციაზე განაცხადა, რომ ივანიშვილის რეჟიმმა, ხელოვნურად გაზარდა საწვავზე აქციზის გადასახადი, რამაც გამოიწვია ფასის ზრდა. ბოკერიამ ასევე მოუწოდა ხელისუფლებას გააუქმოს აქციზის გადასახადი, რის შედეგადაც საწვავი 40 თეთრით შემცირდება. საკითხს გამოეხმაურა სტრატეგია აღმაშენებლის ლიდერი გიორგი ვაშაძეც.
შეგახსენებთ, რომ მოქალაქეების ლიდერმა პარლამენტის საგაზაფხულო სესიაზე საწვავის ზრდის შესახებ ისაუბრა: ,,ძვირფასო „ქართულო ოცნებავ“, მთავრობავ, არ ვიცი, თქვენ კი სახელმწიფოს ხარჯზე ისხამთ ბენზინს, მაგრამ ძალიან ურტყამს ადამიანების, რიგითი მოქალაქეების ჯიბეს საწვავის ასეთი ფასი და იქნებ, კეთილი ინებოთ და ან აქციზის გადასახადი დაწიოთ, ან ცოტა დააწევინოთ მადა ნავთობის იმპორტიორებს და ცოტა დედამიწაზე დაეშვან."

ფოტო: fasebook