ტარიელ ნაკაიძე პარტია "ევროპული საქართველოს" დატოვებასა და პარლამენტში შესვლას გეგმავს. ნაკაიძე საკანონდმებლო ორგანოში დამოუკიდებელი დეპუტატის სტატუსით შესვლას აპირებს.
აღნიშნულის შესახებ ოპოზიციონერმა მას შემდეგ განაცხადა, რაც პარტიის პოლიტსაბჭო დასრულდა, სადაც პარალმენტში შესვლა-არშესვლის შესახებ მსჯელობდნენ.
"გადაწყვეტილება, რომელიც მიიღო პოლიტსაბჭომ პარლამენტში არ უნდა შევიდეს, მე ვემხრობი ამ გადაწყვეტილებას და ვუჭერ მხარს ამ მიმართულებით. თუმცა ჩემი სპეციფიკური ბექგრაუნდიდან გამომდინარე და იმ წარმომადგენლობით ფორმიდან გამომდინარე, რომელიც მე ამ შემთხვევაში მაქვს უმცირესობებთან დაკავშირებით და ყველა ის გამოკითხვა,რომელიც მე ვაწარმოე ამ დროის განმავლობაში, მაძლევს საფუძველს, რომ მე დამოუკიდებლად ვიყო პარლამენტის წევრი", - განაცხადა ნაკაიძემ.
ცნობისთვის, პარტიამ, პოლიტიკურ სხდომაზე პარლამენტში არშესვლის გადაწყვეტილება მიიღო.
ფოტო: 1TV
