პარტია "ევროპული საქართველოს" ყოფილი წევრი, ტარიელ ნაკაიძე, რომელიც პარლამენტში დამოუკიდებელი დეპუტატის სახელით აპირებს შესვლას, აცხადებს, რომ შარლ მიშელის ეგიდით შემუშავებულ დოკუმენტს ხელს არ მოაწერს.

ტელეკომპანია "ფორმულას" ეთერში, ნაკაიძე ამბობს, რომ ამის მიზეზი ის არის, რომ ის დოკუმენტში არსებულ ბევრ საკითხს უბრალოდ არ ეთანხმება.

"მე ვფიქრობ, არ ვარ ვალდებული, ხელი მოვაწერო ამ დოკუმენტს იმ უბრალო მიზეზით, რომ უბრალოდ არ ვეთანხმები ბევრ საკითხს. არ ვეთანხმები 43%-ს, არ ვეთანხმები ამნისტიის იმ ფორმას, თუ ყველა გათავისუფლდება, დამნაშავეც და მსხვერპლიც. მე შევეცდები, რომ საქართველოს პარლამენტში ოპოზიციას დავუჭირო მხარი კონკრეტულად იმ შემთხვევებში, რომელიც შედეგს მოიტანს. ჩემი შესვლაც განაპირობა იმან, რომ ერთპარტიული პარლამნენტის თემა მოიხსნა ამ შეთანხმების საფუძველზე და ამ შემთხვევაში, ჩემი არშესვლით ამ ბოიკოტის სახე ვერ შენარჩუნდებოდა. მე ვფიქრობ, ჩემი იქ შესვლა უფრო მეტ ეფექტს გამოიღებს", - განაცხადა ნაკაიძემ.

ფოტო: 1TV