საზოგადოებრივი ჯანდაცვის სპეციალისტი, აკაკი ზოიძე, BM.GE-სთან საუბარში ამბობს, რომ 2018-2019 წლებში თამბაქოს მოხმარება 3%-ით შემცირდა. ეს შედეგია 2018 წლის შემდეგ თამბაქოს წინააღმდეგ გატარებული რეგულაციების.

„რეგულარული მწეველობა შემცირებულია. შემცირებულია როგორც ჯამურად მოხმარება, ასევე შემცირებულია თავად მომხმარებელთა რაოდენობაც, რაც ყველაზე მნიშვნელოვანი მომენტი იყო. ასევე მნიშვნელოვანია, რომ ეს შემცირება არის ახალგაზრდებში, რაზეც იყო საკანონმდებლო ცვლილებების დიდი ნაწილი მორგებული. ასე რომ, ამ კუთხით პროგრესი გვაქვს. ახლა დარჩა პრობლემატურ საკითხად ელექტრო სიგარეტები და გასახურებელი თამბაქო, რომელიც დიდი პოპულარობით სარგებლობს დღეს ახალგაზრდებში. ამ პროდუქტების მიწოდებას მომხმარებლებისთვის შესაბამისი მარკეტინგით ისე ცდილობენ, რომ ის ნაკლებად მავნებელია და ჯანსაღი ალტერნატივაა თამბაქოსი” - აცხადებს აკაკი ზოიძე.

მთავარი ფოტო: www.nidirect.gov.uk