დედოფალ ელისაბედ II-ის გარდაცვალების გამო, დიდ ბრიტანეთში გლოვა გამოცხადდა და მის დაკრძალვამდე გაგრძელდება. დედოფალს, სავარაუდოდ, 10-11 დღეში დაკრძალავენ. დაკრძალვის ცერემონია ვესტმინსტერის სააბატოში გაიმართება, ზუსტ თარიღს კი ბუკინგემის სასახლე დაადასტურებს. დაკრძალვის დღე, შესაძლოა, უქმე დღედ გამოცხადდეს. სამეფო ოჯახს მსოფლიო ლიდერები უსამძიმრებენ. დედოფალს პატივს მიაგებენ პარლამენტში, სადაც დროშები დაკრძალვის მომდევნო დღემდე დაშვებული იქნება.
ელისაედ II-ის გარდაცვალების შემდეგ, ქვეყნის მმართველი მონარქი ჩარლზი გახდა. იგი თავის პირველ აუდიენციას პრემიერ-მინისტრთან გამართავს. ის ასევე შეხვდება ერლ მარშალს, რათა ოფიციალურად მოაწეროს ხელი დაკრძალვის სრულ გეგმას.
დედოფალი ელისაბედ II გუშინ, 8 სექტემბერს, 96 წლის ასაკში გარდაიცვალა.
