ვარკეთილის მეტროსთან მერიამ გარემოვაჭრეების დახლები დღეს დილით აიღო. სამუშაოდ მისულ მოვაჭრეებს დახლები ადგილზე აღარ დახვდათ. მერიის ზედამხედველობის სამსახურის თანამშრომლები მათ მუშაობის გაგრძელების საშუალებას არ აძლევენ.
გარემოვაჭრეების თქმით, მათი შემოსავლის ერთადერთი წყარო ვაჭრობაა და მისი აკრძალვის შემთხვევაში, შემოსავლის გარეშე რჩებიან. თბილისის მერია მათ სანაცვლოდ ბაზრის ტერიტორიას სთავაზობს, თუმცა მოვაჭრეების თქმით, ისინი დახლის საფასურს ვერ გადაიხდიან. როგორც მერიაში აცხადებენ, უკანონოდ განთავსებული კონსტრუქციები გაიტანეს.
ზედამხედველობის სამსახურის წარმომადგენლების თქმით, მეტროს ტერიტორიაზე გზის რეაბილიტაცია იგეგმება და გარემოვაჭრეებს დხლების გაშლის საშუალება არ ექნებათ.
