დავით ჭიჭინაძე აცხადებს, რომ „ქართული ოცნება“ ხალხის ნებამ და ძალამ უნდა შეაშინოს და დაამარცხოს. პარტია „ტრიბუნას“ ლიდერის თქმით, მარტო სკამების, სახელებისა და გვარების შეცვლით ქვეყანას არაფერი ეშველება და სიდუხჭირე არსად წავა.
„იმის იმედად ყოფნა, რომ დასავლელი პარტნიორები ოდესმე დაწერენ ისეთ დასკვნას, რომ ვიღაცას გული გაუსკდება და გაიქცევა, ეს არასოდეს მოხდება. ამიტომაა დღე ჩვენი ერთობა მნიშვნელოვანი, ხალხის ნებამ და ძალამ უნდა შეაშინოს და დაამარცხოს "ქართული ოცნება".
ხალხი უნდა იყოს მთავარი აქტორი და ზუსტად უნდა იცოდნენ, კონკრეტულად რას სთავაზობენ, მათთვის რა შეიცვლება, რადგან მარტო სკამების, სახელებისა და გვარების შეცვლით ქვეყანას არაფერი ეშველება, სიდუხჭირე არსად წავა.
ეკონომიკის ახალი მოდელია საჭირო, რაც მე არსად და არავისგან მომისმენია, სადაც ადამიანები ზუსტად დაინახავენ თავისი გამდიდრების, ცხოვრების გაუმჯობესების მექანიზმს და მერე გამოვლენ და იბრძოლებენ ბოლომდე. თორემ ის, რაც ადრე მოხდა, კრედიტებით რომ „აყვავდა“ ეს ქვეყანა და ვალებით გადაივსო, ამ შედეგებს დღეს უკვე ვიმკით“ - აცხადებს დავით ჭიჭინაძე.
მთავარი ფოტო: akhalitaoba.ge
