აფხაზეთის დე ფაქტო პრეზიდენტმა, ასლან ბჟანიამ რუსი ჟურნალისტი და კრემლის ერთ-ერთი პროპაგანდისტი, ვლადიმერ პოზნერი აფხაზეთში დაპატიჟა.
პრეზიდენტის ადმინისტრაციის მიერ გამოქვეყნებულ განცხადებაში ვკითხულობთ, რომ აფხაზეთის დე ფაქტო მთავრობა შეშფოთებულია, გუშინ, თბილისში განვითარებული მოვლენებით.
"გამაოგნებელი იყო აფხაზეთის მცხოვრებლებისთვის, თქვენთან დაკავშირებით, თბილისში განვითარებული მოვლენები. მხოლოდ აღშფოთებას იწვევს ე.წ. კავკასიელების მოქმედებები, რომლებიც კავკასიის ხალხების საუკუნოვან ტრადიციებს არღვევს. პატივცემულო ვლადიმირ ვლადიმიროვიჩ, აფხაზეთში ყოველთვის გელოდებიან. გეპატიჟებით ჩვენს რესპუბლიკაში თქვენთვის ხელსაყრელ დროს" – აღნიშნულია მიმართვაში.
ფოტო: რადიო თავისუფლება
