ჭიათურის მუნიციპალიტეტის სოფელ მანდაეთში, საცხოვრებელ სახლში გაჩენილ ხანძარს 101 წლის ცოლ-ქმარი, ნოე და მარუსა მუმლაძეები ემსხვერპლნენ - ამის შესახებ ინფორმაციას ჟურნალისტი როლანდ ხოჯანაშვილი ავრცელებს.

"საქართველოში ყველაზე ხანდაზმული წყვილი, 101 წლის მანდაეთელი ცოლ-ქმარი წუხელ ხანძრის შედეგად დაიწვნენ... ერთ დღეს დაბადებულნი ერთ დღეს აღესრულნენ... დაქორწინდნენ 25 წლისანი. აღესრულნენ 101 წლისანი. ნათელი დაუმკვიდრდეთ", - ვკითხულობთ როლანდ ხოჯანაშვილის გვერდზე. 

არსებული ინფორმაციით, ხანძრის დროს ხანდაზმული ცოლ-ქმარი სახლში მარტო იმყოფებოდა.

მთავარი ფოტო: facebook