საქართველოს ყოფილი პრემიერ-მინისტრი, გიორგი კვირიკაშვილი დღეს თბილისის ქუჩებში განვითარებულ მოვლენებს ,,ფეისბუქზე“ ეხმაურება.
,,ვემიჯნები და ვგმობ ძალადობას ჟურნალისტების და მშვიდობიანი მოქალაქეების მიმართ“ _ წერს გიორგი კვირიკაშვილი.
შეგახსენებთ, ,,თბილისი პრაიდის“ მიერ დაგეგმილი ღონისძიების მოწინააღმდეგე, აგრესიულად განწყობილი ჯგუფები რუსთაველის გამზირზე დღეს დილიდან არბევენ კარვებს, ისინი არაერთხელ დაესხნენ თავს ჟურნალისტებს და მათ ფიზიკური თუ სიტყვიერი შეურაცხყოფა მიაყენეს, დააზიანეს ტექნიკა. ჟურნალისტების ნაწილი, რომლებსაც მათ სხვადასხვა დაზიანებები მიაყენეს, კლინიკაში იმყოფებიან, ერთ-ერთ მათგანს ოპერაცია ჩაუტარდა.
