თბილისის საქალაქო სასამართლოს მიერ დღეს, 20 ივნისს მიღებული გადაწყვეტილების მიხედვით, ცოლ-ქმარს, რომლებსაც ბრალად 7 წლის ბავშვის სისტემატური, ჯგუფურად ჩადენილი წამება ედებათ, პატიმრობა შეეფარდათ.
მსხვერპლის დედა და მისი ქმარი სამართალდამცავებმა გუშინ, 19 ივნისს დააკავეს. დაკავებულების ადვოკატი პროკურატურას ბავშვის ჩვენების გაყალბებაში ადანაშაულებს.
ბრალს დაკავებულები არ აღიარებენ, მათი მტკიცებით ბავშვის სხეულზე არსებული დაზიანებები არასრულწლოვანმა თამაშის დროს მიიღო.
ცნობისთვის, პროკურატურის გამოძიებით დადგინდა, რომ ბავშვის დედა და მისი მეუღლე არასრულწლოვანს - 2014 წელს დაბადებულ ვ.დ.-ს დასჯის მიზნით აწამებდნენ, რომელიც თავისი ხასიათით, ინტენსივობით და ხანგრძლივობით იწვევს ძლიერ ფიზიკურ ტკივილს.
ფოტო: პროკურატურა
